UXÍA SENLLE

No programa número 12 entrevistamos unha das grandes da música galega contemporánea: Uxía Senlle, nacida en Mos e coa súa profesión centrada na música e no xornalismo especializado. Na súa presentación, Elena Valle destacou o seu compromiso reivindicativo e salientou o momento en que Uxía Senlle asumiu a portavocía de Nunca Máis, en defensa do noso medio mariño.

Xa en conversa con Marco Pereira, soubemos máis sobre Uxía. Por exemplo, a súa experiencia ao ser gañadora do Certame da Canción de Bergantiños e respecto á súa participación no Grupo Na Lúa. A continuación, Uxía falounos das súas actuacións en solitario, nas cales se atopa inmersa actualmente.